Jong Volwassenes

Kuiertijd

Vir elke seisoen waarin jongmense hulself bevind is daar n Kuiertijd spesifiek vir jóú! Onlangs getroud, met n nuwe werk begin, steeds opsoek na die ‘een’? Dan is hierdie weeklikse afspraak spesifiek vir jou!

Van musiek & kunsaande, sprekers wat hul stories kom deel, uitreikwerk na die gemeenskap, Bybelstudie reekse Рvir elkeen is daar iets. Hier kan jy altyd tuis voel ongeag wat in jou dag gebeur het of wat nog more vir jou voorl̻.

Ons doel is om n omgewing te skep waar daar ruimte is vir elkeen om hulself te wees.
Elke mens het die inherente behoefte om tyd tussen ander mense te spandeer, én om te weet dat dit wat jy doen waarde tot ander mense voeg.

Kuiertijd is meer as net jou gemiddelde selgroep!

Leierskap

Christiaan Peyper

kuiertijd@ritmia.org.za

Oor Christiaan

Hallo julle, ek is Christiaan. Ek is gebore in Kwa-Zulu Natal en het daar ook skool gegaan en groot geword. Ek is baie lief vir groot avonture, sosiale sport, goeie koffie asook ‘n puik film. My studies het ek op die PUK voltooi en sodoende ook die liefde van my lewe ontmoet. Tans woon ek en my pragtige vroulief, Elzabé, net noord van die Ruimsig area. Voor ons in 2017 penne vasgesteek het in Johannesburg, het ons die eerste paar jaar van ons huwelik op reis deurgebring. Nieu Seëland, Korea en Europa was die drie gebiede wat ons saam verken het.

In die laaste paar maande het die Here ‘n baie diep passie vir die samesyn van Sy liggaam in my hart begin kweek. Met die hulp van Ritmia gemeente is hierdie liefde tot dusvêr gekombineer met baie lekker sosiale aksiesport asook die Kuiertijd bediening.

Verder kan ek nie wag om te sien op watter maniere ek hierdie passie kan uitleef onder jonk en oud by Ritmia nie. Dit gaan die avontuur van ‘n leeftyd wees!